بعد نجاح الدورة الأولى متاع مهرجان موجودين للأفلام الكويرية قررنا نعاودو نعيشو نفس المغامرة مع شوية تجديد .

للعام الثاني على التوالي مبادرة موجودين من أجل المساواة تنظم الدورة الثانية لمهرجان موجودين للأفلام الكويرية في مارس 2019 كي العادة في تونس العاصمة.

هاذي المبادرة الشابة في دورتها الأولى إلي تلهات بالأساس بعروض الأفلام و السينما(الفن السابع) مهدت الثنية للدورة هاذي إلي بش تكون مختلفة شوية و إلي فيها بش تكون العروض مخصصة لأفلام من بلدان الجنوب.

الدورة هاذي بش تلم برشا أشكال متاع فن و فنانين و فنانات و ضيوف و ضيفات من تونس و خارج تونس.

المنظمين و المنظمات متاع المهرجان يحضرو للناس إلي بش تشرفنا و تجي في برشا أفلام قصيرة و متوسطة و طويلة بش يكون محورها الأساسي الجندر و الجنسانية اللامعيارية.

المهرجان هاذا بش يكون جريء و يعالج المقاربة التقاطعية في النضال ضد التمييز و القمع على أساس الجندر .

البرمجة الفنية متاع المهرجان بش تخلينا نكتشفو برشا حاجات و تبربشنا و تعرفنا على مفاهيم كانت مش واضحة و يمكن غالطة في وعينا الجماعي.