شكون “موجودين”

مبادرة موجودين للمساواة هي جمعية ماهيش حكومية وماهيش ربحية زادة، مرخصلها رسميا بش تنشط في تونس، تخدم موجودين باش تحقق العدالة والمساواة بينات الناس الكل، على حقوق الإنسان والحقوق الجسدية والجنسية خاصة لصالح الLGBTQI+ و المجموعات المهمشة. نظرتنا في موجودين شاملة و قايمة على مبدأ اللامركزية ، نرحبو بالأفراد و المجموعات من مختلف المرجعيات و الأعمار و الأجناس و على إختلاف ميولاتهم العاطفية و الجنسية و نوعهم الإجتماعي  ومن مختلف الجهات.

موجودين تسعى باش تنشر ثقافة حقوق الإنسان وبالأخص الحقوق المرتبطة بالميل الجنسي والهويات والتعابير الجندرية وصفات الجنس، تركز موجودين في مهمتها هاذي على المناصرة والتوثيق وتنمية الموارد والقدرات والتوعية والتحسيس وإرساء فضاءات آمنة والتأثير وبتوظيف الفن والأنشطة الثقافية. هدفنا هو الترويج و الإحتفاء بالتنوع و إرساء ثقافة عدم التمييز باش نجابهو القمع و الإضطهاد المبني على أساس الميل الجنسي و الهويات و التعابير الجندرية و صفات الجنس . عزيمتنا قوية في الدفاع على حقوق الأشخاص الLGBTQI+ و طموحنا إنو نعيشو في مناخ يحفظ كرامتنا مهما كانت ميولاتنا و هويتنا و لوننا و جنسنا و حالتنا الإجتماعية و إنتماءاتنا الطبقية والعرقية و غيرها.

شنوة مهرجان موجودين سينما كويرية

مهرجان موجودين سينما كويرية هو مهرجان نعملوه كل عام باش نحتفلو بالناس إلي هوما  +LGBTIQ . بدى أول مرة عام 2018 و كان أول مهرجان للسينما الكورية فالبلاد و في شمال أفريقيا الكل. تركيز متاعنا الكل عالهوية الكويرية و بالاخص في منطقة بلدان الجنوب. 

المهرجان نعتبروه حاجة شجاعة برشة، و مركز أكثر على مبدأ التقاطعية في مجابهة العنف الاذطهاد و التمييز على أساس النوع الجندري.  البرنامج متاعو المميز متاع الافلام كلو اكتشافات و يشجع عالتفكير و يطمح إنو يوري مفاهيم و حاجة ننساوه في تخمامنا العادي و إلا مانيش فايقين بيه.

المهرجان لول بالكل صار من 15 إلا 18 جانفي 2018 و خذا تمويل من عند Hirschfeld Eddy Foundation . ركز برشى بالاخص على الجندر و الجنسية اللامعيارية. بخلاف إنو تحطوا 12 فيلم قصير و متوسط، صارو إحتفالات، مناظرات و نقاشات  Queer as Art الكورية كفن و Queer as Resistance كورية كمقاومة .

المهرجان في نسختو الثانية تعمل من 22 إلى 25 مارس في سنتر فيل تونس. الهدف كان إنو نغطيو الطيف الكامل متاع  +LGBTIQ و نحكيو على النسوية. الكل في الكل حطينا 31 فيلم، من برشى بلايص، كما الارجنتين، الصين، الهند، كينيا ، باكستان، برتغال و بالطبيعة تونس.بخلاف الأفلام زادة كان فمة عروض، مناظرات، و عرض مسرحي اسمو  نحو مسرح كويري “Towards a Queer Theater